इटहरी : नेकपा एमाले इटहरी ४ नं. वडा कमिटिले हाजिरीजवाफ प्रतियोगिता आयोजना गरेको छ । प्रतियोगितामा २२ नम्बर व्यापारी शाखा प्रथम भएको छ ।
प्रतियोगितामा आयोजक दोस्रो र वडा नम्बर ८ कमिटि तेस्रो भएको छ ।
विजयीलाई क्रमशः प्रथम पाँच हजार नगदसहित शिल्ड र प्रमाणपत्र, नगद तीन हजारसहित शिल्ड र प्रमाणपत्र र एक हजारसहित शिल्ड र प्रमाणपत्र प्रदान गरियो ।
कार्यक्रमका प्रमुख अतिथि नेकपा एमाले स्थायी कमिटि सदस्य तथा कोसी प्रदेश इन्चार्ज राजेन्द्र गौतमले पार्टीका गतिविधि कम भएकाले वडा तहमा हाजिरीजवाफ प्रतियोगिता आयोजना गर्नु सकारात्मक भएको बताए ।
वडा नं. ४ का पार्टी अध्यक्ष सुनील कार्कीले स्थानीय तह, प्रदेश तथा संघीय निर्वाचनमा कार्यकर्ता खट्ने तर अन्य कार्यमा पछि पर्ने गरेको गुनासो सुनिएपछि हाजिरीजवाफ प्रतियोगिताको आयोजना गरिएको बताए ।
उनले एमाले कार्यकर्ता झण्डा बोक्ने मात्र नभई समाजका हरेक क्रियाकलापमा सक्रिय रहेको बताए ।
Discussion about this post