विराटनगर : कोसी प्रदेश सरकारले प्रदेशसभा सदस्यहरूलाई ल्यापटप दिने कुराप्रति नेपाली कांग्रेस कोसी प्रदेश संसदीय दलले असन्तुष्टि जनाएको छ ।
दलको आज (बिहीबार) बसेको बैठकले प्रदेश सरकार, प्रदेश सभा सचिवालयद्वारा प्रदेश सभा सदस्यलाई वितरण गर्नका लागि १ करोड ५० लाखको ल्यापटप नलिने निर्णय गरेको छ ।
ल्यापटपमा खर्च हुने रकम जनहितका कामका लागि विनियोजन गर्न अनुरोध गर्ने निर्णय पनि बैठकले गरेको छ ।
गठवन्धनको मर्म र भावना अनुसार प्रदेश सरकारलाई दिएको समर्थन लिन नेकपा माओवादी र जसपालाई अनुरोध गर्ने निर्णय पनि बैठकले गरेको छ ।
प्रदेश नामकरणपछि प्रदेशमा उत्पन्न भएको विषम् परिस्थितिलाई सम्बोधन गर्न तत्काल प्रदेश सरकारलाई वार्ता समिति निर्माण गर्न आग्रह गर्ने निर्णय भएको पार्टीले जनाएको छ ।
सरकार र आन्दोलनकारी शक्तिलाई थप जनधनको क्षति हुन नदिन संयमता अपनाउन आग्रह गर्ने जस्ता महत्वपूर्ण निर्णय भएको कांग्रेसले जनाएको छ ।
Discussion about this post