इटहरी : तालतलैया च्यालेन्ज कपको उपाधि राजाबास युथ क्लब बराहक्षेत्रले चुमेको छ ।
इटहरी २ स्थित बुढासुब्बा खेलमैदानमा सम्पन्न भएको फाइनल खेलमा पूर्वाञ्चल युनाइटेड क्लबलाई १ ० गोलले पराजित गर्दै राजाबासले उपाधि चुमेको हो ।
पहिलो हाफमा दुवै टिमबाट गोल हुन सकेन । हाफ पछिको खेलमा राजाबासका लागि गिल्सम खमिले गोल गरे । उनैको गोल निर्णायक बन्यो । उपाधि चुम्दै राजाबासले नगद ५१ हजारसहित ट्रफी, मेडलसहित प्रमाणपत्र हात पार्यो ।
यस्तै, उपविजेता बनेको पूर्वाञ्चलले नगद ३१ हजार हात पारेको छ । साथै, खेलमा विभिन्न विधागततर्फ पनि खेलाडीहरूलाई पुरस्कृत गरियो ।
प्रतियोगितामा सुनसरी, मोरङ, झापा र उदयपुरका १० टिमको सहभागी रहेको तालतलैया फुटबल क्लबका अध्यक्ष शंकर राईले बताए ।
खेल क्षेत्रमा युवाहरूलाई प्रोत्साहित गर्नका निम्ति उक्त प्रतियोगिताको आयोजना गरिएको क्लबका सचिव रोशन भुजेलले बताए ।
Discussion about this post