उदयपुर : उदयपुर जिल्ला अदालतबाट दोषी ठहर भई सजाय तोकिएपनि फरार रहेका एक व्यक्तिलाई प्रहरीले पक्राउ गरी अदालत समक्ष बुझाएको छ ।
जिल्ला प्रहरी कार्यालय उदयपुरकाअनुसार चौदण्डीगढी नगरपालिका १० देवधार गाउँमा बस्ने ३५ वर्षीय दिलिप कुमार चौधरीलाई शनिबार राति पक्राउ गरिएको हो ।
पक्राउ परेका चौधरीलाई सरकारी छाप दस्तखत कीर्ते मुद्दामा उदयपुर जिल्ला अदालतले २०७५ असार १२ गते दोषी ठहर गरी ११ महिना १० दिन सजाय र ५० जरिवाना हुने फैसला गरेको थियो ।
फरार अवस्थामा रहेका चौधरीलाई इलाका प्रहरी कार्यालय बेल्टारको प्रहरी गस्ती टोलीले खोजतलास गर्ने क्रममा चौदण्डीगढी नगरपालिका वडा नं. ६ स्थित लुकिछिपी बसेको अवस्थामा पक्राउ गरी आज (आइतबार) उदयपुर जिल्ला अदालतमा पठाइएको हो ।
उनलाई तोकिएको कैद सजाय भुक्तानका लागि कारागार चलान गरिएको छ ।
Discussion about this post