इटहरी : इटहरीमा मोटरसाइकल अनियन्त्रित भएर दुर्घटना हुँदा एक पुरुषको मृत्यु भएको छ ।
आज (आइतबार) दिउँसो ३ बजेतिर इटहरी १३ खनारस्थित गणेश मन्दिर नजिकै विराटनगरबाट इटहरीतर्फ आउँदै गरेको को २९ प २४२ नम्बरको मोटरसाइकल आफैँ अनियन्त्रित भएर दुर्घटना भएको इलाका प्रहरी कार्यालय इटहरीले जनाएको छ ।
मृत्यु हुनेमा इटहरी १ बस्ने ३६ वर्षीय इकार गौतम रहेका छन् । दुर्घटनामा गम्भीर घाइते भएका उनको उपचारको क्रममा कोसी अस्पताल विराटनगरमा मृत्यु भएको प्रहरीले जनाएको छ ।
तीव्र गतिका कारण मोटरसाइकल दुर्घटना भएको प्रहरीको प्रारम्भिक अनुसन्धानबाट खुलेको छ ।
Discussion about this post