मोरङ : मोरङको जहदा गाउँपालिकामा दुई साँढे जुधेर किच्दा एक महिलाको मृत्यु भएको छ ।
बिहीबार जहदा ३ स्थित जयरामपुरमा दुईवटा साँढे जुध्दा घटना भएको स्थानीय सतिश राजवंशीले जानकारी दिए ।
सडकमा दुई साँढे जुध्दै गर्दा एउटा साँढे भागेर घरमा पसेपछि ६० वर्षीया घुर्नी खातुनलाई किचेको थियो । सडक नजिक रहेको घरको आगनमा बसिरहेको अवस्थामा साँढेले किचेपछि महिला गम्भीर घाइते भएकी थिइन् ।
घाइते खातुनलाई तत्काल उपचारका लागि परिवार सदस्यले विराटनगरस्थित कोसी अस्पताल ल्याएका थिए ।
उनको उपचारको क्रममा मृत्यु भएको जिल्ला प्रहरी कार्यालय मोरङले जनाएको छ ।
घटनाबारे थप अनुसन्धान भइरहेको प्रहरीले जनाएको छ ।
Discussion about this post