इटहरी : इटहरी उपमहानगरपालिकाले ६० वर्ष उमेर पूरा भएका सामुदायिक महिला स्वास्थ्य स्वयंसेविकालाई नगदसहित बिदाइ गरेको छ ।
नगर प्रमुख हेमकर्ण पौडेलले ६० वर्ष उमेर पूरा भएका २६ जना स्वयंसेविकालाई जनही नगद एक लाखसहित बिदाइ गरेका हुन् ।
२० औँ सामुदायिक महिला स्वास्थ्य स्वयंसेविका दिवसको अवसर पारेर मंगलबार आयोजित कार्यक्रममा पौडेलले स्वयंसेविकाहरूलाई सम्मान गरेका हुन् ।
स्वास्थ्य स्वयंसेविका कार्यक्रम लागू भएदेखि निरन्तर सेवारत उनीहरूलाई उपमहानगरपालिकाका तर्फबाट सेवा अवधिका आधारमा प्रोत्साहन रकम उपलब्ध गराइएको पौडेलले जानकारी दिए ।
इटहरीमा हाल एक सय ३५ जना महिला स्वास्थ्य स्वयंसेविकाले सेवा प्रदान गरिरहेका छन् ।
Discussion about this post