सोलुखुम्बु : सोलुखुम्बुको सोलुदुधकुण्ड नगरपालिका ७ की २६ वर्षीया रत्नमाया भुजेललाई नवजात शिशुको हत्या आरोपमा प्रहरीले पक्राउ गरेको छ ।
असार ७ गते शुक्रबार आफ्नै घर छेउमा रहेको सल्लाघारी जंगलमा ७ महिनाको नवजात शिशुलाई जन्माई सालनालसहित खाल्डोमा पुरेको खुलेको छ ।
जिल्ला प्रहरी कार्यालय सोलुखुम्बुबाट खटिएको प्रहरी टोलीले उक्त स्थानबाट शिशुको शव निकाली पोस्टमार्टमको लागि जिल्ला अस्पताल फाप्लुमा पठाएको र हत्यामा संलग्न आमा रत्नमायालाई नियन्त्रणमा लिएको प्रहरीको भनाइ छ ।
घटनाबारे थप अनुसन्धान भइरहेको प्रहरीले जनाएको छ ।
Discussion about this post