इटहरी : पछिल्लो समय नेपालबाट विदेश अध्ययन गर्न जाने विद्यार्थीहरूको संख्या दिनानुदिन बढिरहेको छ । कक्षा १२ सक्नेबित्तिकै नेपाली विद्यार्थीहरू विदेशका लागि आइएलटीएस र पिटिईजस्ता कोर्ष पढ्ने र लगत्तै विदेश गइहाल्ने सोच बनाउँछन् ।
यस परिस्थितिमा एक्सपर्ट एजुकेशन एन्ड भिजा सर्भिसेसले भने विदेश पढ्न जाने विद्यार्थीहरूका लागि उचित परामर्शसँगै विद्यार्थीले सीप सिक्नुपर्ने कुरालाई समेत जोड दिँदै आएको जनाएको छ ।
एक्सपर्ट एजुकेशन इटहरीका प्रबन्ध निर्देशक कमल तिम्सिनाले नेपाली विद्यार्थीमा देश जसरी भए पनि छोडेर विदेश जाने मनोदशालाई आफूहरूले नजिकबाट नियालेको उनीहरूको आवश्यकता अनुसार सही परामर्श दिइरहेको बताए ।
‘म विगत २० वर्षदेखि यो क्षेत्रमा कार्यरत छु । शैक्षिक मोडलहरू नजिक बसेर नियालिरहेको छु,’ उनले भने, ‘हामीले विद्यार्थीलाई काउन्सिलिङ दिने, उच्च शिक्षा हासिल गर्ने र समाज रूपान्तरणका निम्ति परामर्श दिँदै आएका छौँ ।’
इटहरी, धरान, विराटनगरसहितबाट कोशी प्रदेशका विद्यार्थीहरूलाई शैक्षिक परामर्श दिँदै आएको उनले जनाए ।
उनले जुलाई ७ मा इटहरीस्थित एक्सपर्टको कार्यालयमा एडु कन्क्लेभ गर्न लागेको बताए । विद्यार्थीलाई उक्त कन्क्लेभमा विदेशको शिक्षा पद्धति, त्यो देशका नीति, नियमबारे बताउने लक्ष्य लिइएको उनको भनाइ छ ।
विदेशमा पढ्न जाने विद्यार्थीलाई शैक्षिक परामर्श, फाइनान्स प्लानिङ, करियर डेभलपभमेन्ट, कुन देश जाने, के विषय पढ्ने र त्यहाँ के कस्ता सुविधा छन् ? भन्नेबारे परामर्श दिइने तिम्सिना बताउँछन् ।
‘सम्बन्धित देशका सम्बन्धित मानिसलाई जानकारी गराउने र विद्यार्थी अलमलमा पर्न नहुने कुराको अन्तरभिन्नता हुनुपर्छ । त्योसँगै नेपालको परिपाटीमा पढाइ हुने तौरतरिका टोटल फरक छ,’ विदेश जानेहरूको संख्या किन बढी छ भन्ने जिज्ञासामा उनले भने, ‘नेपालमा भएका युनिभर्सिटी र नेपालमा भएका विभिन्न क्षेत्रमा काम गर्नेको लापरबाही र उनीहरूको गतिशील र अस्थिर राजनीतिका कारण विदेश जान बाध्य तुल्याइएको छ ।’
नेपालका युनिभर्सिटीहरूले पाठ्यक्रम लागू गर्न, परीक्षा र नतिजाको क्यालेन्डर समयमै निकाल्न नसक्नुले समस्या निम्तिएको र युवा नेपाली विद्यार्थीहरू विदेश जाने अभिरुचिमा रहेको उनको बुझाई छ ।
विद्यार्थीको सोचाइलाई चिर्न र नेपालको शिक्षा प्रणालीमा सुधार ल्याउन आवश्यक रहेको उनी बताउँछन् ।
‘विद्यार्थीहरू हरेक हिसाबबाट बाहिर जाने सोचमा छन् । कुन देशमा जाने मान्छे हो, त्यो क्षेत्रमा जानका लागि एक्सपर्ट एजुकेशनले स्कील बनाएर मात्रै बनाएर पठाउँछौँ । यसको उत्कृष्ट गन्तव्य एक्सपर्ट एजुकेशन हो भन्ने हाम्रो बुझाई छ,’ उनले भने, ‘आइतबार इटहरीमा विद्यार्थीलाई परामर्श दिने र साउन ८ गते विराटनगरमा करियर परामर्श र विद्यार्थीमा नवीनतम् सोचको कार्यक्रमलाई अगाडि बढाउने तयारीमा छौँ ।’
विद्यार्थीहरू विदेश गएपछि काम नपाउनुमा विभिन्न समस्या रहेको बताए ।
‘जसले घरमा पानीको गिलास समेत उठाएको छैन, उसलाई काम पाउन समस्या छ । सीपसँग आयआर्जन सिकेको छैन, उसलाई समस्या छ,’ तिम्सिना भन्छन्, ‘मान्छे जतिसुकै धनी भएपनि म त्यहाँको विद्यार्थी हुँ भनेर मिहिनेत गर्नुपर्छ । कतिपयले त आफ्नो बायोडाटा राम्ररी बनाएकै हुँदैनन् । आत्मविश्वाससहित अंग्रेजीमा अन्तर्वार्ता दिन सक्नुपर्छ । अनि मात्रै काम पाउन सहज हुन्छ ।’
यी लगायत विभिन्न विषयमा आफूहरूले उचित परामर्श दिइरहेको तिम्सिनाको भनाइ छ ।
‘विद्यार्थी आज नेपाल बस्नै चाहदैँन, जुनसुकै देशमा पनि जाने अवस्था छ । तत्कालै नेपाल छाडिहाल्ने कन्सेप्ट सृजना भएको छ,’ उनले थपे, ‘हामीले अष्ट्रेलिया, युके, युएस, जर्मन, न्यूजिल्याण्ड, क्यानडामा विद्यार्थीको भिजा एप्लाई गर्छौँ । ती देशहरूमा विद्यार्थीको भविष्य शु
सुनिश्चित छ ।’
विदेशमा अध्ययन गरेपछि विद्यार्थी नेपाल नै आएर यहीँ लगानी गर्नुपर्नेसमेत उनले सुनाए । । ‘विदेश जानु हुँदैन भन्ने होइन । त्यहाँ गएपछि धेरै कुरा सिक्ने र विदेशमा पढेका विद्यार्थीहरूले नेपाल आएर लगानी गर्नुपर्छ,’ उनले भने।
एक्सपर्ट एजुकेशन इटहरीले पूर्वमा सबैभन्दा बढी विद्यार्थीले मन जितेको साथै आइएलटीएस र पिटिई पढाउने सबैभन्दा बढी पूर्णकालीन इन्स्टक्टर भएका कारण पनि विद्यार्थीको संख्या बढिरहेको बताइन्छ ।
२०१३ मा काठमाडौँमा शाखा सञ्चालन भएको एक्सपर्टले हाल कोशी प्रदेशका मुख्य सहरहरू इटहरी, विराटनगर र धरान शाखाबाट विद्यार्थीहरूलाई परामर्श दिँदै आएको छ ।
एक्सपर्टले नेपालबाट एक लाख २५ हजार विद्यार्थीलाई सेवा दिइसकेको उनको दाबी छ ।
Discussion about this post