धरान : धरान उपमहानगरपालिका १७ स्थित धरान-चतरा सडक खण्डमा मोटरसाइकल आफैँ अनियन्त्रित भएर दुर्घटना हुँदा एक युवकको मृत्यु भएको छ ।
प्रदेश १-०२-०५० प ५५९० नम्बरको मोटरसाइकल आफैँ अनियन्त्रित भएर दुर्घटना हुँदा मोटरसाइकल पछाडि सवार लेटाङ नगरपालिका ७ का २१ वर्षीय यादव लिम्बूको मृत्यु भएको हो ।
दुर्घटनामा मोटरसाइकल चालक मोरङ केराबारी गाउँपालिका २ का २० वर्षीय सुरज लिम्बू घाइते भएका छन् । उनको धरानस्थित वीपी कोइराला स्वास्थ्य विज्ञान प्रतिष्ठानमा उपचार भइरहेको छ ।
घटना सम्बन्धमा इलाका प्रहरी कार्यालय धरानबाट थप अनुसन्धान भइरहेको प्रहरीले जनाएको छ ।
Discussion about this post