इटहरी आउँदै गरेको बस र पूर्व जाँदै गरेको बोलेरो एकापसमा ठक्कर हुँदा थापाको मृत्यु

इटहरी : मोरङमा दुर्घटना हुँदा एक पुरुषको मृत्यु भएको छ ।

बेलबारी ३ स्थित पूर्व- पश्चिम राजमार्गमा इटहरीतर्फ आउँदै गरेको ना ४ ख १४९० नम्बरको बस र पूर्वतर्फ जाँदै गरेको प्र १-०२-००१ ज ४२७७ नम्बरको बोलेरो एकापसमा ठक्कर भएको हो ।

दुर्घटनामा बोलेरो चालक बेलबारी ९ बाहुनी बस्ने ३६ वर्षीय कृष्ण थापाको मृत्यु भएको हो ।

घटनाबारे थप अनुसन्धान भैरहेको प्रहरीले जनाएको छ ।