धरान : धरान उपमहानगरपालिका ६ स्थितबाट लागूऔषध गाँजासहित दुई जनालाई प्रहरीले पक्राउ गरेको छ ।
आइतबार प्रहरी चौकी पानबारीबाट खटिएको प्रहरी गस्ती टोलीले चेकजाँचको क्रममा को ३२ प १७५० नम्बरको मोटरसाइकलमा प्लाष्टिकको बोरामा प्याक गरी बोकेको अवस्थामा २० केजी गाँजा बरामद गरेको हो ।
गाँजा बरामद भएसँगै ओसारपसारमा संलग्न मोटरसाइकल चालक धनकुटाको साँगुरीगढी १ का ३२ वर्षीय बुद्धराज लिम्बू र पछाडि सवार ३० वर्षीय महाप्रसाद लिम्बूलाई प्रहरीले नियन्त्रणमा लिएको छ ।
गाँजासहित पक्राउ परेका उनीहरूको इलाका प्रहरी कार्यालय धरानबाट थप अनुसन्धान भइरहेको प्रहरीले जनाएको छ ।
Discussion about this post