विराटनगर : झापा, मोरङ, पाँचथर र उदयपुरबाट प्रतिवन्धित लागूऔषध ब्राउनसुगर, निषेधित औषधी र गाँजासहित ६ जनालाई प्रहरीले पक्राउ गरेको छ ।
झापाको इलाका प्रहरी कार्यालय दमकबाट खटिएको प्रहरी टोलीले दमक नगरपालिका ६ बसपार्क स्थितबाट इलाम चुलाचुली ५ का ४२ वर्षीय राजेन्द्र राईलाई ४ ग्राम ब्राउनसुगरसहित पक्राउ गरेको छ ।
यसैगरी मेचीनगर नगरपालिका ६ स्थित मेचीपुलबाट लागूऔषध नियन्त्रण ब्यूरो काँकडभिट्टाको प्रहरी टोलीले शिवसताक्षी नगरपालिका १ का २७ वर्षीय पुकार तामाङलाई ६ ग्राम ब्राउनसुगरसहित नियन्त्रणमा लिएको छ ।
यसैगरी विराटनगर महानगरपालिका १५ स्थितबाट मोरङको कानेपोखरी ५ का २२ को युसन बिकलाई १ ग्राम ६२ मिलिग्राम ब्राउनसुगरसहित लागूऔषध नियन्त्रण ब्यूरो विराटगनरको टोलीले पक्राउ गरेको छ ।
यस्तै, रतुवामाई नगरपालिका १ स्थितबाट मोरङ मिक्लाजुङ ७ का १९ वर्षीय सरोज लिम्बू र २२ वर्षीय राज मगरलाई नाईट्राजेपाम १०० ट्यावलेट, ट्रामाडोल २०० ट्याबलेटसहित इलाका प्रहरी कार्यालय सिजुवाले नियन्त्रणमा लिएको छ ।
उदयपुरको अस्थायी प्रहरी बिट आमबासीबाट खटिएको प्रहरी टोलीले चेकजाँचको क्रममा ८ किलोग्राम गाँजा सहित को ३८ प १८५ नम्वरको मोटरसाइकल र चालक बेलका नगरपालिका ६ का ३८ वर्षीय लोकेन्द्र राईलाई नियन्त्रणमा लिएको छ ।
लागूऔषधसहित पक्राउ पेका उनीहरूको सम्बन्धमा थप अनुसन्धान तथा कारबाही भइरहेको प्रहरीले जनाएको छ ।
Discussion about this post