मोरङ : मोरङमा दुर्घटना हुँदा एक युवकको घटनास्थलमै मृत्यु भएको छ ।
सोमबार बेलुका ७ बजेतिर पथरीशनिश्चरे नगरपालिका १ पश्चिम बस स्टेण्ड नजिकै दुर्घटना भएको हो ।
पूर्व–पश्चिम राजमार्गमा बेलबारीबाट उर्लाबारीतर्फ जाँदै गरेको प्र–१–०२–०४० प ६०२५ नम्बरको मोटरसाइकललाई सोही दिशाबाट जाँदै गरेको एनएल–०१ एडी ५५११ नम्बरको लहरीले ठक्कर दिएको थियो ।
ठक्करबाट मोटरसाइकलमा सवार युवकको घटनास्थलमै मृत्यु भएको हो । मृत्यु हुनेमा मोटरसाइकल चालक धरान उपमहानगरपालिका–११ का अन्दाजी २० वर्षीय टार्जन राई रहेका छन् ।
प्रहरीले लहरी र चालक भारतको उत्तर प्रदेश मिर्जयापुर बस्ने ४२ वर्षीय दिनेशकुमार दासलाई नियन्त्रणमा लिएको छ ।
पक्राउ परेका दासमाथि थप अनुसन्धान भइरहेको जिल्ला प्रहरी कार्यालय मोरङले जनाएको छ ।
Discussion about this post