तरहरा : नेपाल रेडक्रस सोसाइटी हाँसपोसा उपशाखाद्धारा अन्तर विद्यालयस्तरीय भलिबल प्रतियोगिताको आयोजना गरिएको छ ।
प्रतियोगिताको शुक्रबार समापन गरिएको छ । इटहरी १९ मा रहेको नमुना एकेडेमीमा भएको प्रतियोगितामा नगरभरीका १९ वटा विद्यालय सहभागी थिए ।
फाइनलमा छात्र र छात्रा दुवैतर्फ हाम्रो इङ्लिस बोर्डिङ स्कुल र सयपत्री शिशु सदन बोर्डिङबीच प्रतिस्पर्धा भयो । जसमा छात्रतर्फ जसमा छात्रतर्फ हाम्रो बोर्डिङ स्कुलको टिम प्रथम भयो भने छात्रातर्फ पनि हाम्रो बोर्डिङ स्कुल नै प्रथम भएको थियो ।
यसैगरी छात्रतर्फ नमुना एकेडेमी तृतीय भयो । एकेडेमीले स्टानडड बोर्डिङ स्कुललाई सोझो सेटमा पराजित गरेको थियो ।
यसैगरी छात्रातर्फ सहिद स्मृति आवासीय मावि तृतीय भयो । सहिदले सुनसरी क्रिष्टललाई सोझो सेटमा पराजित गरेको थियो ।
प्रतियोगितामा हाम्रो बोर्डिङका बेखम श्रेष्ठ उत्कृष्ट सेटर र नवीन चौधरी सर्वोत्कृष्ट खेलाडी घोषित भए । यसैगरी नमुना एकेडेमीका वोन चौधरी उत्कृष्ट स्पाइकर भए ।
छात्रातर्फ हाम्रो बोर्डिङकै कोशिका बोगटी सर्वोत्कृष्ट खेलाडी भइन् भने निनम्छा राई उत्कृष्ट लिब्रो घोषित भइन् । यसैगरी सहिद स्कुलकी सपना बिक उत्कृष्ट सर्भर घोषित भइन् ।
विजेताहरूलाई कार्यक्रमका प्रमुख अतिथि कोशी प्रदेशका भौतिक पूर्वाधार मन्त्री भूपेन्द्र राईले पुरस्कार प्रदान गरे । प्रथम, द्धितीय र तृतीय हुने टिमले क्रमशः नगद १२ हजार, १० हजार र आठहजारसहित ट्रफी, मेडल र प्रमाणपत्र प्राप्त गरे ।
रेडक्रस हाँसपोसा उपशाखाका सभापति सुमन दाहालका अनुसार बुधबार नेपाल रेडक्रस सोसाइटीका केन्द्रीय उपमहामन्त्री मनोज कुमार थापाको प्रमुख आतिथ्यतामा प्रतियोगिताको उद्घाटन भएको थियो ।
उनका अनुसार रेडक्रसले मानवीय हितका निम्ति काम गर्दै आएको छ ।
केही साताअघि मात्रै इटहरी १७ मा रहेको जनजागृति माविमा गरिब तथा विपन्न विद्यार्थीहरूलाई स्वीटर तथा टोपी वितरण गरिएको उनले बताए ।
यसैगरी इटहरी १९ मा रहेको जब्दी माविको प्राङ्गणमा चित्रकला प्रतियोगितासमेत आयोजना भएको दाहालले बताए ।
सचिव थरेन्द्र अधिकारीका अनुसार त्यसबाहेक रेडक्रस हाँसपोशा उपशाखाले रक्तदानलगायत विभिन्न कार्यक्रम आयोजना गर्दै आएको छ ।
Discussion about this post