इटहरी : कोशी प्रदेश सरकारले सरकारको मन्त्रिपरिषद् बैठकले विभिन्न निर्णयहरू सार्वजनिक गरेको छ। जेन जी आन्दोलनपछिको पहिलो बैठक मुख्यमन्त्री हिक्मत कुमार कार्कीको अध्यक्षतामा बिहीवार बसेको हो ।
बैठकले प्रदेशभरि ५ लाख रुपैयाँसम्मका सबै योजना हाललाई कार्यान्वयन नगर्ने निर्णय लिइएको छ।
बैठकले प्रदेशभित्र सञ्चालन भइरहेका वा प्रस्तावित पाँच लाख रुपैयाँसम्मका सम्पूर्ण योजना तत्काल कार्यान्वयन नगर्न सम्बन्धित निकायलाई निर्देशन दिएको हो। यसबाट बजेट व्यवस्थापन र प्राथमिकताको पुनर्विचार गर्न सकिने विश्वास गरिएको छ।
प्रदेश सरकारका प्रवक्ता तथा आन्तरिक मामिला तथा कानूनमन्त्री रेवतीरमण भण्डारीका अनुसार सरकारले आन्दोलनका क्रममा ज्यान गुमाएका व्यक्तिहरूप्रति दुःख व्यक्त गर्दै मृतक परिवारलाई एक लाख रुपैयाँ काजकिरिया खर्च दिने निर्णय गरेको छ।
आन्दोलनका क्रममा ज्यान गुमाएकाहरूको परिवारलाई मात्र उक्त रकम प्रदान गरिने उनले बताए।
यसैगरी आन्दोलनका क्रममा भएको सार्वजनिक सम्पत्तिको क्षति मूल्याङ्कन गर्न बैठकले भौतिक पूर्वाधार मन्त्रालयलाई जिम्मेवारी दिएको छ। यसका लागि मन्त्रालयलाई आगामी कार्तिक ९ गतेसम्मको समय सीमा निर्धारण गरिएको छ।
अध्ययनपछि मात्रै आवश्यक मर्मत, पुनःनिर्माण वा राहतको व्यवस्था गरिने छ
Discussion about this post