वराहक्षेत्र : ब्लड क्यान्सर पीडित धनमाया पुरीको उपचारका लागि संकलन गरिएको ४ लाख ६५ हजार ५ सय ३५ रुपैयाँ हस्तान्तरण गरिएको छ ।
सुनसरीको बराहक्षेत्र नगरपालिका–३, नडाहाकी पुरीको उपचारका लागि उनका भाइ विचारी पुरीले समस्या सार्वजनिक गरेपछि स्थानीय सञ्चारकर्मी दीपक पुरीको पहलमा देश–विदेशमा रहेका नेपाली र गाउँघरका स्थानीयवासीबाट सहयोग संकलन भएको हो ।
सहयोग रकम आइतवार बिरामीका छोरा अंकुर पुरीलाई बिचारी पुरीको घरमै हस्तान्तरण गरिएको हो । कार्यक्रममा स्थानीयवासीहरूको उपस्थिति रहेको थियो ।
सञ्चारकर्मी पुरीले भने, “मैले समस्या देखाउने काम मात्र गरेको हो । सहयोगका लागि छिमेकीदेखि विदेशमा पसिना बगाइरहेका नेपालीलाई जान्छ ।”
उनले सहयोगी सबैप्रति धन्यवाद व्यक्त गरे । हाल बिरामी पुरीको स्वास्थ्यमा सुधार भइरहेको बताइएको छ ।
Discussion about this post