विराटनगर : कोशी प्रदेश प्रहरी कार्यालय विराटनगरले मोरङको इलाका प्रहरी कार्यालय रानीमा कार्यरत प्रहरी निरीक्षक कविन राईलाई भदौ महिनाको “सर्वोत्कृष्ट प्रहरी” घोषणा गरेको छ ।
राईको कमाण्डमा खटिएको टोलीले भदौ २८ गते विराटनगर–१५ बाट बन्दाकोपीमा लुकाइएका २ सय ६२ किलोभन्दा बढी गाँजासहित तीन जना पक्राउ गरेको थियो ।
त्यसैगरी चोरी भएका ११ थान ल्यापटप, मोटरसाइकल, अटो टेम्पो, स्कुटर, ब्याट्री, इन्वर्टर, फ्रिज, एसी, सोफा लगायतका सामग्री फेला पारी सम्बन्धित धनीलाई बुझाइएका छन् ।
यसबाहेक लागूऔषध नियन्त्रण व्यूरोसँगको समन्वयमा विराटनगर–१३ र १५ बाट ३ सय ३७ ग्राम ब्राउनसुगरसहित तीन जना पक्राउ गर्न सफल भएको कोशी प्रदेश प्रहरीले जनाएको छ ।
यी गतिविधिको मूल्याङ्कन गर्दै निरीक्षक राईलाई २०८२ साल भदौ महिनाको “सर्वोत्कृष्ट प्रहरी” घोषित गरिएको हो ।
Discussion about this post