सुनसरी : पूर्व–पश्चिम राजमार्ग अन्तर्गत सुनसरीको कोशी गाउँपालिका–८ मा मोटरसाइकल दुर्घटना हुँदा एक जनाको मृत्यु भएको छ।
लौकहीबाट सप्तरीको कंकालिनी मन्दिरमा बोका लिएर पूजा गर्न जाँदै गरेको बा ३० प ३८७६ नम्बरको मोटरसाइकलले बाटोमा हिँडिरहेको गधालाई बचाउने क्रममा दुर्घटनाग्रस्त भएको हो।
दुर्घटनामा मोटरसाइकल पछाडि सवार ७० वर्षीय करनबहादुर गुरुङको मृत्यु भएको हो।
उनी गम्भीर घाइते भई उपचारका क्रममा निधन भएको सुनसरी प्रहरीले जनाएको छ।
मोटरसाइकल चालक सुनसरीको गढी गाउँपालिका–५ का ५५ वर्षीय झुमन गुरुङ घाइते भएपनि सामान्य उपचारपछि डिस्चार्ज भएका छन्।
प्रहरीको प्रारम्भिक अनुसन्धानअनुसार मोटरसाइकल चलाइरहेको बेला बाटोमा गधा देखिएपछि बचाउने क्रममा दुर्घटना भएको हो।
घटनाबारे थप अनुसन्धान भइरहेको प्रहरीले जनाएको छ।
Discussion about this post