इटहरी : इटहरी उपमहानगरपालिका–१४ बस्ने ७८ वर्षीय देविदत्त जोशीको कुलोमा लडेर मृत्यु भएको छ।
घरबाट करिब ५० मिटर दक्षिणतर्फ कलवर्ट मुनिको कुलोमा लडेको अवस्थामा आफन्तले देखी उपचारका लागि इटहरी सामुदायिक अस्पताल पुर्याएका थिए। तर, चिकित्सकले उनलाई मृत घोषणा गरेका छन्।
घटनाबारे प्रहरीलाई जानकारी पुगेपछि इलाका प्रहरी कार्यालय इटहरीका प्रहरी निरीक्षक राजेन्द्र पौडेलको कमाण्डमा टोली खटिएको थियो।
प्रहरीका अनुसार घटनास्थल सुरक्षित राखिएको छ भने कानुनी प्रक्रिया अगाडि बढाइएको छ।
घटनाबारे थप अनुसन्धान भइरहेको प्रहरीले जनाएको छ।
Discussion about this post