जेनजी आन्दोलनको आवरणमा मोरङमा विध्वंस मच्चाउने २१ जना पक्राउ (सूचीसहित)

विराटनगर : मोरङका विभिन्न स्थानमा जेनजी आन्दोलनको नाममा भएको योजनाबद्ध आगजनी, तोडफोड र थुनुवा भगाउने जस्ता गम्भीर घटनामा संलग्न अराजक समूहमाथि प्रहरीले कारबाही तीव्र पारेको छ।

हालसम्म २१ जनालाई पक्राउ गरी आपराधिक उपद्रव मुद्दा दायर गरेर अनुसन्धान अघि बढाइएको मोरङ प्रहरी प्रमुख एसपी कवित कटवालले जानकारी दिए।

प्रहरीले विराटनगर र जहदाबाट १० जना, पथरीशनिश्चरेबाट ६ जना तथा उर्लाबारीबाट ५ जनालाई पक्राउ गरेको छ। भदौ २४ गते उर्लाबारी र पथरीस्थित इलाका प्रहरी कार्यालयमा आगजनी एवं तोडफोड गरेर थुनुवा भगाइएका थिए। साथै, कागजपत्र जलाइएका थिए।

विराटनगरमा जिल्ला ट्राफिक प्रहरी कार्यालय, विभिन्न प्रहरी बिट, सीआरभीको गाडी, ट्राफिक लाइट र सीसी क्यामेरासमेत तोडफोड गरिएको थियो।

प्रहरीका अनुसार जेनजी आन्दोलनको आवरणमा भएको हमलाले दंगा, तोडफोड र विध्वंसलाई ‘वैधानिक विरोध’ का नाममा ढाकछोप गर्न खोजिएको देखिन्छ।

एसपी कटवालले घटनालाई ‘सुनियोजित अपराधिक गतिविधि’ भएको उल्लेख गर्दै संलग्न जो कसैलाई पनि उन्मुक्ति नदिने बताए।

खासगरी सीसी क्यामेरा फुटेज, भिडियो, फोटो र डिजिटल प्रमाणको सहायताले अपराधमा संलग्नको पहिचान भइरहेको प्रहरीले बताएको छ।

पहिचान भइसकेका व्यक्तिहरुको निरन्तर खोजी भइरहेको र आवश्यक परे विशेष टोली परिचालन गरिएको एसपी कटवालले बताए।

यी हुन् पक्राउ परेकाहरू : 

१) विशाल वाल्मिकी, वर्ष २२, विराटनगर महानगरपालिका–५

२) गोपी साह, वर्ष २७, विराटनगर महानगरपालिका–९

३) विष्णु साफी, वर्ष २०, विराटनगर महानगरपालिका–९

४) राजेश यादव, वर्ष २४, विराटनगर महानगरपालिका–१४

५) सुरज सिंह, वर्ष २४, जहदा गाउँपालिका–५

६) मुकेश कामत, वर्ष २२, जहदा गाउँपालिका–५

७) प्रवेश मण्डल, वर्ष ३०, जहदा गाउँपालिका–२

८) सुशील यादव, वर्ष २५, जहदा गाउँपालिका–३

९) चन्दन बर्मा, वर्ष २४, विराटनगर महानगरपालिका–६

१०) किसन सहनी, वर्ष २९, विराटनगर महानगरपालिका–६

११) चन्द्र कार्की, वर्ष २३, पथरी शनिश्चरे नगरपालिका–१

१२) दिपक चौधरी, वर्ष २३, पथरी शनिश्चरे नगरपालिका–१

१३) मुकेश वराईली, वर्ष २५, पथरी शनिश्चरे नगरपालिका–१

१४) विश्वास थापा, वर्ष २१, पथरी शनिश्चरे नगरपालिका–१

१५) सिदार्थ राई, वर्ष १९, पथरी शनिश्चरे नगरपालिका–१

१६) मिथुन मण्डल, वर्ष २६, पथरी शनिश्चरे नगरपालिका–१

१७) राज कुमार सहनी, वर्ष २९, उर्लाबारी नगरपालिका–६

१८) उदय साह, वर्ष ४५, उर्लाबारी नगरपालिका–६

१९) बब्लु साह, वर्ष ४०, उर्लाबारी नगरपालिका–६

२०) मिलन राई, वर्ष ३०, उर्लाबारी नगरपालिका–६

२१) रविन सुन्दास, वर्ष २४, उर्लाबारी नगरपालिका–७