इटहरी : लागूपदार्थ सेवन गरेर सवारी साधन चलाउने चालक तथा सहचालकलाई निगरानी गर्न गरिएको संयुक्त चेकजाँचका क्रममा इटहरीमा ८ जना नियन्त्रणमा परेका छन्।
इटहरी उपमहानगरपालिका–२०, तरहरा क्षेत्रमा नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय इटहरी, इलाका प्रहरी कार्यालय इटहरी र कोशी प्रदेश प्रहरी अस्पताल इनरुवाको संयुक्त टोलीले विशेष चेकजाँच सञ्चालन गरेको थियो।
सोही क्रममा लागूऔषध सेवन गरी सवारी सञ्चालन गरेका व्यक्तिहरूलाई पक्राउ गरिएको प्रहरीले जनाएको छ।
नियन्त्रणमा परेकाहरूलाई लागूऔषध नियन्त्रण ऐन २०३३ बमोजिम सुनसरी जिल्ला अदालतबाट ५ दिन म्याद थप गरी इलाका प्रहरी कार्यालय इटहरीमा राखेर थप अनुसन्धान जारी छ।
नियन्त्रणमा परेका चालक–सहचालकमध्ये रोहन बिक, २२ वर्ष, धरान उपमहानगर–८, विनय बिक, ३० वर्ष, धरान उपमहानगर–५, विमल राई, २७ वर्ष, धरान उपमहानगर–५, अभिषेक चौधरी, २३ वर्ष, इनरुवा नगरपालिका–९, दिवश चौधरी, २८ वर्ष, दुहबी नगरपालिका–८, अर्जुन पौदार, ३९ वर्ष, दमक नगरपालिका–१३, झापा, पंचलाल खवास, ४३ वर्ष, बवियाबिर्ता–७, मोरङ, रमेश चौधरी, ३२ वर्ष, बेलबारी नगरपालिका–९, मोरङ रहेका छन् ।
प्रहरीका अनुसार राजमार्ग क्षेत्रमा लागूपदार्थ सेवन गर्ने चालक–सहचालकका कारण दुर्घटनाको जोखिम बढेकाले निगरानीलाई अझ कडाइ गरिएको छ।
Discussion about this post