इटहरी : आगामी प्रतिनिधिसभा सदस्य निर्वाचनलाई लक्षित गर्दै निर्वाचन आयोगले मतदानस्थलहरूको पुनरावलोकन गरेको छ।
मतदाताको पहुँचलाई सरल, सहज र व्यवस्थित बनाउने उद्देश्यले आयोगले देशभर १६८ वटा नयाँ मतदानस्थल थप गरेको हो।
आयोगका प्रवक्ता नारायणप्रसाद भट्टराईका अनुसार आइतबार बसेको बैठकले देशभर कुल १० हजार ९६७ मतदानस्थल कायम गरिएको छ ।
यसअघि देशभर १० हजार ८९२ मतदानस्थल रहेकोमा १६८ थप र ९३ खारेज हुँदा समग्रमा ७५ वटा मतदानस्थल बढेका हुन्।
पुनरावलोकनका क्रममा आयोगले मतदानस्थलको नाम र ठेगानामा रहेका त्रुटि सच्याउने, मतदातालाई पायक पर्ने स्थानमा सार्ने तथा साविककै अर्को मतदानस्थलमा समायोजन गर्ने लगायतका कामहरू पनि सम्पन्न गरेको जनाएको छ।
Discussion about this post