इटहरी : सुनसरीको वराहक्षेत्रमा पुरुषोत्तम मासका अवसरमा तीर्थस्नान गर्न पुगेका मोरङका ७१ वर्षीय धर्मप्रसाद पोख्रेलको शनिबार निधन भएको छ।
परिवारका सदस्यसँगै सप्तकोशी–कोकाहा सङ्गममा स्नानका लागि पुगेका पोख्रेल मन्दिर परिसरको सिँढी ओर्लिने क्रममा लडेका थिए।
धार्मिक आस्था बोकेर तीर्थस्थल पुगेका पोख्रेललाई तत्काल उपचारका लागि छोरा मोहनप्रसाद पोख्रेलले धरानस्थित बीपी कोइराला स्वास्थ्य विज्ञान प्रतिष्ठान लगिए पनि चिकित्सकले मृत घोषणा गरेका थिए।
पुरुषोत्तम मास हिन्दू धर्मावलम्बीका लागि विशेष पुण्य प्राप्त हुने समय मानिन्छ। यही मासमा स्नान, दान र विष्णु आराधनाको महत्व रहेको विश्वास गरिन्छ।
धार्मिक पुण्यको आशामा तीर्थयात्रामा निस्किएका पोख्रेलको निधनले वराहक्षेत्र पुगेका श्रद्धालुहरूलाई भावुक बनाएको छ।
Discussion about this post