इटहरी : सुनसरी प्रहरीले जिल्लाका विभिन्न स्थानबाट भन्सार छली गरेर ल्याइएका चार लाख ६२ हजार ९१४ रुपैयाँ बराबरका अवैध सामान बरामद गरेको छ।
जिल्ला प्रहरी कार्यालय सुनसरी तथा मातहतका प्रहरी इकाइबाट खटिएको टोलीले जिल्लाका विभिन्न स्थानमा गरेको निगरानीका क्रममा उक्त मूल्य बराबरका सामान नियन्त्रणमा लिएको हो।
प्रहरीका अनुसार कोशी गाउँपालिका–८ बाट दुई लाख ३७ हजार ६९४ रुपैयाँ बराबरका लत्ताकपडा र किराना सामान बरामद गरिएको छ। यस्तै, भोक्राहा नरसिंह गाउँपालिका–६ बाट ६३ हजार ७२० रुपैयाँ बराबरका किराना सामान नियन्त्रणमा लिइएको छ।
इलाका प्रहरी कार्यालय देवानगञ्जले देवानगञ्ज–२ बाट एक लाख ५४ हजार रुपैयाँ बराबरको मोटरसाइकल र किराना सामान बरामद गरेको छ भने अस्थायी प्रहरी पोस्ट सामबालाले इनरुवा–९ बाट सात हजार ५०० रुपैयाँ बराबरका किराना सामान बरामद गरेको प्रहरीले जनाएको छ।
बरामद गरिएका सबै सामान आवश्यक कारबाहीका लागि सुनसरी भन्सार कार्यालय, सेतुबन्ध पठाउने तयारी भइरहेको जिल्ला प्रहरी कार्यालय सुनसरीले जनाएको छ।
Discussion about this post