संखुवासभा : संखुवासभामा खोलाले बगाएर बेपत्ता भएका इन्दुवा हाइड्रोपावरका सुपरभाइजर तीन दिनपछि मृत फेला परेका छन्।
मकालु गाउँपालिका–५ मा साउन २० गते राति सिमली खोला तर्ने क्रममा बेपत्ता भएका २८ वर्षीय स्वागत निरौलाको शव शनिबार फेला परेको हो।
प्रहरीका अनुसार खोलाले बगाएको स्थानबाट करिब ८० मिटर तल खोचमा निरौलाको शव भेटिएको थियो। उनको खोजीमा नेपाल प्रहरी, सशस्त्र प्रहरी र स्थानीय बासिन्दा परिचालन भएका थिए।
जिल्ला प्रहरी कार्यालय संखुवासभाका प्रहरी नायब उपरीक्षक कुमारप्रसाद मैनालीले लामो खोजीपछि निरौलाको शव फेला परेको जानकारी दिए।
निरौला इन्दुवा हाइड्रोपावरमा सुपरभाइजरका रूपमा कार्यरत थिए। उनी खोलामा बेपत्ता भएपछि सुरक्षाकर्मी र स्थानीयले निरन्तर खोजी गरिरहेका थिए।
शव भेटिएपछि प्रहरीले आवश्यक कानुनी प्रक्रिया अघि बढाएको जनाएको छ।
Discussion about this post