उदयपुर : उदयपुरको बेलका नगरपालिका–९ रामपुर बजारस्थित झण्डाचोकमा बोलेरो गाडीको ठक्करबाट एक महिलाको मृत्यु भएको छ ।
बिहीबार बिहान ५ः३५ बजे मदन भण्डारी राजमार्गमा मर्निङवाक गरिरहेकी बेलका नगरपालिका–९ रामपुर बजारकी ५६ वर्षीया लक्ष्मीमाया राईलाई प्रदेश १–०५–००१ ज ००२२ नम्बरको बोलेरोले ठक्कर दिएको थियो ।
दुर्घटनामा गम्भीर घाइते भएकी राईलाई तत्काल नगर अस्पताल रामपुर लगिएको थियो । त्यहाँ सामान्य उपचारपछि थप उपचारका लागि विराटनगरस्थित विराट टिचिङ अस्पताल पुर्याइएकोमा बिहान ८ः०९ बजे चिकित्सकले मृत घोषणा गरेका थिए ।
दुर्घटनापछि फरार भएका बोलेरो चालक भोजपुरको आमचोक गाउँपालिका–१ निवासी ३७ वर्षीय प्रेम विश्वकर्मालाई प्रहरीले नियन्त्रणमा लिएको छ ।
उनलाई इलाका प्रहरी कार्यालय रामपुर ठोक्सिलाको हिरासतमा राखेर घटनाबारे थप अनुसन्धान भइरहेको जिल्ला प्रहरी कार्यालय उदयपुरले जनाएको छ ।
Discussion about this post