पछिल्लो २४ घण्टामा सुनसरीमा ३४४ जना कोरोना संक्रमित थपिएका छन् ।
थपिएका मध्ये सबैभन्दा धेरै धरानमा रहेका छन् । धरानमा २११ जनामा संक्रमण देखिएको छ भने इटहरीमा ११९ जनामा संक्रमण देखिएको छ । स्वास्थ्य कार्यालय सुनसरीका अनुसार धरानमा २११ जनामा संक्रमण देखिएको छ ।
संक्रमण देखिएकामा ८१ महिला र १३० पुरुष छन् । त्यस्तै, इटहरीमा ११९ र इनरुवामा १४ जनाको रिपोर्ट पोजेटिभ आएको छ ।
प्रदेश १ मा ४१९ जनामा संक्रमण
त्यस्तै, पछिल्लो २४ घण्टामा प्रदेश १ मा ४१९ जना कोरोना संक्रमित थपिएका छन् ।
थपिएका मध्ये सुनसरीमा सबैभन्दा बढी ३४४ जना छन् भने मोरंगमा ५६, झापामा ७, उदयपुरमा ६, संखुवासभामा ३, भोजपुर, पाँचथर र प्रदेश १ बाहिरका १–१ जना रहेको सामाजिक विकास मन्त्रालयले जनाएको छ ।
यो सँगै प्रदेश १ मा कोरोना संक्रमितको संख्या ११ हजार १७० पुगेको छ भने हालसम्म ४ हजार ८७३ जना डिस्चार्ज भएका छन् ।
Discussion about this post