इटहरी : नेपाल प्रेस युनियन सुनसरीले आफ्नो कार्यसमिति विस्तार गरेको छ । मंगलबार प्रविधिको प्रयोग गर्दै बसेको ‘भर्चुअल’ कार्यसमितिको बैठकले रिक्त रहेका तथा पुनःगठित पदहरुमा नियुक्त गरेको छ ।
युनियका अध्यक्ष पवन अधिकारीका अनुसार जिल्ला महिला उपाध्यक्षमा मेनुका पाण्डे बस्नेतलाई नियुक्त गरिएको छ भने सचिवमा विवेक भट्टराईलाई नियुक्त गरिएको छ । यसअघि ती पदहरु रिक्त रहेकाले पूर्णता दिइएको अधिकारीले बताए ।
त्यस्तै, युनियन इटहरी संयोजकमा विनय बाह्रकोटी, सह–संयोजकमा खेमराज सापकोटालाई नियुक्त गरिएको छ । इटहरी संयोजक धु्रव ढकाल पत्रकार महासंघको सचिवमा निर्वाचित भएसँगै यहाँ पुनःगठन गरी बारोकोटीलाई संयोजक र सापकोटालाई सह–संयोजकमा नियुक्त गरिएको हो ।
यस्तै, रामधुनी नगर संयोजकमा विनोद आचार्यलाई नियुक्त गरिएको छ । संगठन थप बलियो बनाउन युनियनले आफ्नो कार्यसमिति विस्तार गरेको हो ।
पत्रकार महासंघका प्रदेश १ अध्यक्ष एवं प्रेस युनियनका प्रदेश संयोजक लीलाबल्लव घिमिरे, पत्रकार महासंघका केन्द्रीय सदस्य भीषण राई, प्रेस युनियनका केन्द्रीय सदस्य हेमराज दाहाल लगायत कार्यसमितिका पदाधिकारीहरुको उपस्थितिले सो निर्णय गरेको हो ।
Discussion about this post