इटहरी : निरन्तरको वर्षाका कारण सप्तकोसी नदीमा पानीको वहाव उच्च भएको छ। सप्तकोसीमा पानीको वहाव उच्च भएपछि ३१ वटा ढोका खुल्ला गरिएको कोशी ब्यारेज कन्ट्रोल रुमले जनाएको छ ।
शुक्रबार दिउसो १ः३० बजे सप्तकोसीमा पानीको वहाव प्रतिसेकेण्ड २ लाख २९ हजार ५ सय १५ क्यूसेक मापन गरिएको थियो । ब्यारेजका ५६ मध्ये ३१ वटा ढोका खोलिएको छ।
सप्तकोशीमा पानीको वहाव उच्च भएपश्चात भारतले कोसी ब्यारेजमा खतराको संकेत स्वरुप रातो बत्ति बालेको छ।
सप्तकोशी नदीमा पानीको वहाव प्रति सेकेण्ड एकलाख ५० हजार क्यूसेक पुगेपछि खतरा मानिन्छ।
Discussion about this post