इटहरी : इटहरीमा घरायसी विवादमै हत्या भएको छ । शुक्रबार (भदौ ८) साँझ इटहरी ३ सुनौलो बस्तीका २२ वर्षीय राजु थापाको हत्या भएको हो ।
इलाका प्रहरी कार्यालय इटहरीका प्रमुख प्रहरी नायब उपरीक्षक (डीएसपी) अर्जुन केसीका अनुसार स्थानीय ६२ वर्षीय देवीप्राद अधिकारीको छुरा प्रहारबाट थापाको मृत्यु भएको हो । सामान्य घरायसी झगडामा भएको कुटपिटमा छुरा प्रहार हुँदा उनको हत्या भएको डीएसपी केसीले बताए । उनका अनुसार घटनामा गम्भीर घाइते भएका थापाको धरानस्थित वीपी कोइराला स्वास्थ्य विज्ञान प्रतिष्ठानमा उपचारको क्रममा मृत्यु भएको हो ।
अधिकांश घटना घरायसी विवाद र रिसिबीका कारण हुने गरेको डीएसपी केसीले बताए । १४ जनाको कर्तव्य ज्यान मुद्दामा १६ जनालाई पक्राउ गरी कारागार चलान गरिएको छ ।
‘हत्याका आरोपित अधिकारीसँग गाउँले कसैको पनि राम्रो सम्बन्ध रहेनछ,’ डीएसपी केसीले भने, ‘यसअघि झगडा भयो भनेर प्रहरीमा खबर भएको थियो, पहिल्यै प्रहरीले गएर सम्झाएर आएपनि पछि घटना भएछ ।’ उनका अनुसार हत्यापछि आक्रोशित स्थानीय र पीडितका आफन्तले घटनामा संलग्न अधिकारीको घरमा आगजनी गरेका छन् ।
‘आक्रोशित आफन्तले अधिकारीको घरमा आगलागी गर्दा स्थानीय सबिना भुसालको घरमा समेत आगलागी भएको छ,’ केसीले टाकुरासँग भने, ‘बाँसको टाटीले बारेको घर भएका कारण पूर्ण आगलागी भएको छ ।’ उनका अनुसार आगलागीमा अन्दाजी डेढ लाख बराबरको क्षति भएको छ ।
पाँच वर्षमा १४ जनाको हत्या
इलाका प्रहरी कार्यालय इटहरीको तथ्याङ्क अनुसार पाँच आर्थिक वर्षमा १४ जनाको हत्या भएको छ । आर्थिक वर्ष ७३।७४ मा एकजनाको हत्या भएको छ भने ७४।७५ मा दुईजनाको हत्या भएको तथ्याङ्कले देखाएको छ । यस्तै, ७५।७६ मा चार, ७६।७७ मा दुई, ७७।७८ मा चार र ७८।७९ मा एकजनाको हत्या भएको तथ्याङ्कमा उल्लेख छ ।
इटहरीमा एक दशक भन्दा धेरै भएको हत्याका दोषीलाई भने प्रहरीले पक्राउ गर्न सकेको छैन ।
अधिकांश घटना घरायसी विवाद र रिसिबीका कारण हुने गरेको डीएसपी केसीले बताए । १४ जनाको कर्तव्य ज्यान मुद्दामा १६ जनालाई पक्राउ गरी कारागार चलान गरिएको छ । यस्तै, शुक्रबार भएको हत्यामा संलग्न अधिकारीलाई पक्राउ गरिएको र आइतबार अदालतमा म्याद थप गर्ने तयारी गरिएको डीएसपी केसीले जानकारी दिए ।
‘धेरैजसो घटना घरायसी विवाद र रिसिबीकै कारण भएको देखिएको छ,’ उनले टाकुरासँग भने, ‘निरन्तर फलोअप भयो भने घटनाको जडसम्म पुग्न सकिन्छ, केस जति पुरानो भयो, उति जटिल हुन्छ ।’
यी हुन् दोषी पत्ता नलागेका ठूला हत्याका घटना
इटहरीमा एक दशक भन्दा धेरै भएको हत्याका दोषीलाई भने प्रहरीले पक्राउ गर्न सकेको छैन । ३१ वैशाख २०६२ मा तत्कालीन इटहरी नगरपालिका प्रमुख गीतानिधि रायमाझीको हत्या भएको थियो । यस्तै, ५ चैत्र २०६४ मा इटहरीस्थित हार्डवेयर पसल सञ्चालन गर्दै आएका कैलाश अग्रवाल र शान्तादेवी अग्रवालको हत्या भयो ।
४ मंसिर २०७० मा इटहरी खनारमा बसोबास गर्दै आएका सुवास काफ्लेको हत्या भएको थियो । यस्तै, २० फागुन २०७२ मा इटहरी २ की १३ वर्षीया सपना भुजेलको हत्या भएको थियो ।
उनीहरूको हत्यामा संलग्न दोषीलाई प्रहरीले हालसम्म पक्राउ गर्न सकेको छैन ।
Discussion about this post