इटहरी : नेपाल बाहिर विभिन्न देशमा अध्ययन गर्न जानेहरूका लागि इटहरीमा केआईईसी सञ्चालनमा आएको छ । सक्षम मानिस उत्पादन गर्ने उदेश्यले इटहरीमा केआईईसी सञ्चालनमा आएको हो ।
काठमाडौं इन्फोसिस इजुकेसन कन्सल्टेसी (केआईईसी) को शाखा सञ्चालनमा आएको शाखा प्रबन्धक उमेश भण्डारीले बताए ।
मंगलबार पत्रकार सम्मेलन गरी उनले इटहरीमै सक्षम मानिस उत्पादन गर्ने उदेश्यले केआईईसी सञ्चालनमा ल्याइएको बताए ।
‘सक्षम मानिस उत्पादनका निम्ति हामीले यहीँ काउन्सिलिङदेखि सहजीकरण गर्दै आएका छौँ,’ भण्डारीले भने, ‘खासगरी भाषा कक्षा, परीक्षा तयारी, शैक्षिक गोष्ठी, कार्यशाला र विभिन्न प्रस्तुतिहरूमा समेत हामीले सक्रिय रूपमा काम गर्दै आएका छौँ ।’
आवश्यक डकुमेन्टेसनदेखि साना प्राविधिक काम गर्न अब काठमाडौँ धाउन नपर्ने उनको भनाई छ । प्रदेश १ का विभिन्न जिल्लाबाट वैदेशिक अध्ययन गर्न जाने विद्यार्थीहरूलाई समय र खर्च दुवैको कोणमा इटहरी क्षेत्र सहुलियत हुने भएकाले यहाँ शाखा सञ्चालनमा ल्याइएको उनले बताए ।
‘हामीले बिजनेसलाई मात्रै प्राथमिकता राखेका छैनौँ,’ भण्डारीले भने, ‘यहाँ पुस्तकालय पनि स्थापना गर्ने लक्ष्यका साथ काम भइरहेको छ, सबैखालका पुस्तक पढ्नका लागि पनि यहाँ भिजिट गर्न सकिन्छ ।’
केआईईसीका संस्थापक तथा सिईओ राजेन्द्र रिजालले बेलायत, अस्ट्रेलिया, न्युजिल्यान्ड जस्ता देशहरुमा काम गरेको डेढ दशक पुगेको र अमेरिका आयरल्यान्ड, जापान लगायतका मुलुकका शिक्षालयहरूमा पनि विद्यार्थी अध्ययन गराउन सफल परामर्शदाता रहेको दाबी गरे ।
उनले भने, ‘विदेशमा अध्ययन गर्न चाहनेहरूलाई हामीले सहजीकरण गर्ने हो, सपना देख्नका लागि प्राक्टिकल गर्नुपर्छ, त्यही प्राक्टिकल गराउने हाम्रो अभिप्राय हो ।’
Discussion about this post