विराटनगर : कोशी प्रदेशका तीन जिल्लाबाट प्रहरीले लागूऔषधसहित चार जनालाई पक्राउ गरेको छ। सुनसरी, मोरङ र उदयपुरबाट उनीहरू पक्राउ परेका हुन्।
प्रहरीका अनुसार सुनसरीको बराहक्षेत्र नगरपालिका–७ बाट स्थानीय सुमन बस्नेत पक्राउ परेका छन्। अस्थायी प्रहरी चौकी बाङ्गेबाट खटिएको टोलीले उनलाई १ ग्राम ७५० मिलिग्राम ब्राउनसुगरसहित नियन्त्रणमा लिएको हो।
त्यस्तै, मोरङको बेलबारी नगरपालिका–७ का अनिलकुमार चौधरी ८० चक्की लागूऔषधसहित पक्राउ परेका छन्। प्रहरी चौकी बाहुनीबाट खटिएको टोलीले उनलाई ट्रमाडोल र स्पास्पेन गरी ८० चक्कीसहित सोही स्थानबाट पक्राउ गरेको हो।
यस्तै, उदयपुरको चौदण्डीगढी नगरपालिका–३ बाट दुई जना पक्राउ परेका छन्। इलाका प्रहरी कार्यालय बेल्टारको टोलीले स्थानीय लक्ष्मण राई र रवीन्द्र राईलाई डाइक्लोमाइन ९० ट्याब्लेट र ट्रामाडोल ९० क्याप्सुलसहित नियन्त्रणमा लिएको प्रहरीले जनाएको छ।
पक्राउ परेका चारै जनामाथि थप अनुसन्धान भइरहेको प्रहरीले जनाएको छ।
Discussion about this post