इटहरी : सुनसरीको रामधुनीमा तलब नपाएपछि शिक्षकहरू आन्दोलित बनेका छन् ।
चालू आर्थिक वर्षको सुरूबाटै शिक्षक कर्मचारीको तलबभत्ता नदिएको भन्दै नगरपालिकाभित्रका सामुदायिक विद्यालयमा कार्यरत शिक्षक, कर्मचारीहरू आन्दोलित बनेका हुन् ।
सोमबार (आज) नगरपालिकाको सबै काम रोकेर शिक्षक, कर्मचारीहरूले आन्दोलन गर्ने घोषणा गरेका थिए ।
दसैँअघि नै नगरपालिकाका निवर्तमान प्रमुख प्रशासकीय अधिकृत ओमकारप्रसाद न्यौपाने शैक्षिक बिदामा बसेका कारण बजेट निकासा गर्न नसकिएको र आफूहरूसँग लेखा अधिकृत समेत नभएका कारण खर्च चलाउन नपाउँदा नगरपालिकाको विकास निर्माण र अर्थसँग सम्बन्धित सम्पूर्ण प्रशासन ठप्प रहेको चौधरीले बताए ।
आन्दोलनरत प्रधानाध्यापकहरुसँग मेयर जयप्रकाश चौधरीसँग छलफल गर्दा मेयर चौधरीले चाँडै समस्याको समाधान गर्ने वचन दिएका छन् । केही प्राविधिक कारणले गर्दा रामधुनी नगरपालिकाको सम्पूर्ण आर्थिक प्रशासन ठप्प भएको पत्रकारहरूसँग मेयर चौधरीले स्वीकार गरे ।
नगरपालिकाले आन्तरिक प्रक्रियाको कारण देखाउँदै शिक्षक कर्मचारीले पाउने साउन महिनादेखिको तलबभत्ता अहिलेसम्म भुक्तानी गरेको छैन ।
दसैँअघि नै नगरपालिकाका निवर्तमान प्रमुख प्रशासकीय अधिकृत ओमकारप्रसाद न्यौपाने शैक्षिक बिदामा बसेका कारण बजेट निकासा गर्न नसकिएको र आफूहरूसँग लेखा अधिकृत समेत नभएका कारण खर्च चलाउन नपाउँदा नगरपालिकाको विकास निर्माण र अर्थसँग सम्बन्धित सम्पूर्ण प्रशासन ठप्प रहेको चौधरीले बताए ।
नेपाल राष्टिय शिक्षक संगठन रामधुनी, नेपाल शिक्षक संघ रामधुनी, नेपाल राहत शिक्षक समिति रामधुनीका अध्यक्ष, विद्यालय कर्मचारी युनियन रामधुनीका अध्यक्ष र विभिन्न विद्यालयका प्रधानाध्यापक गरी २३ जनाले हस्ताक्षर गरेको विज्ञप्तिमा निकासा हुँदैआएको चौमासिक तलब निकासा नगरिएको र दसैँमा समेत निकासाको व्यवस्था नमिलाइएको बताइएको छ ।
Discussion about this post