इटहरी : इटहरीमा रहेको केआईईसीले शैक्षिक परामर्शको आयोजना गर्ने तयारी गरेको छ ।
विदेश गएर अध्ययनको लागि भरपर्दो परामर्श केन्द्रको रुपमा स्थापित केआईईसीले मंसिर २० गते सोमबार शैक्षिक परामर्श गर्ने तयारी गरेको हो । केआईईसी इटहरीका प्रवन्ध निर्देशक उमेश भण्डारीका अनुसार विभिन्न देशका विश्वविद्यालय तथा कलेजहरूबाट आएका विशेषज्ञहरूले परामर्श दिने कार्यक्रम रहेको छ ।
‘वैदेशिक अध्ययनमा जान चाहने विद्यार्थीहरूलाई लक्षित गरेर सेमिनार आयोजना गर्न लागिएको हो,’ भण्डारीले भने, ‘१५ वर्षको अवधिमा पाँच हजार बढी विद्यार्थीलाई अध्ययनका लागि विदेश पठाइसकेका छौं ।’
भण्डारीका अनुसार केआईईसीले इटहरी, विराटनगर र बिर्तामोडमा शाखा संचालनमा ल्याएको छ । शैक्षिक परामर्शदाताहरूको भीडमा केआईईसीले भविष्यमा सकारात्मक काम गर्न प्रोत्साहित गर्ने साथै विद्यार्थी भर्ना सहजीकरण गर्दै आएको उनले बताए ।
यस्तै, आर्थिक अभावमा विदेश जान नसकेका विद्यार्थीको लागि छात्रवृत्तीको व्यवस्था मिलाउने योजना रहेको उनको भनाइ छ ।
विद्यार्थीले रोजेका युके, युएसए, अस्ट्रेलिया, न्यूजील्यान्ड, क्यानाडा जस्ता देशहरूलाई प्राथमिकताका साथ काम गरिरहेको उनले बताए ।
भाषा कक्षा, परीक्षा तयारी, शैक्षिक गोष्ठी, कार्यशाला र विभिन्न प्रस्तुतिहरूमा समेत केआईईसी अब्बल साबित भएको उनको दाबी छ । त्यससँगै टोफेल, आइल्ट्स, स्याट, जिआरई र जिम्याटका कक्षाहरू संचालन हुने गरेको निर्देशक भण्डारी बताउँछन् ।
केआईईसीले अमेरिका, आयरल्यान्ड, जापान स्विजरल्यान्ड, फिनल्यान्ड, नर्वे, जर्मनी, पोल्यान्ड, डेनमार्क, साइप्रस, सिंगापुर र अन्य विदेशी शिक्षालयहरूमा विद्यार्थीहरूलाई पठाउने गरेको छ ।
केआईईसी आफैँमा विश्वका प्रतिष्ठित विश्वविद्यालयहरूको व्यवसायिक इजाजतप्राप्त भएकोले हरेक वर्ष पाँच सय विद्यार्थी विदेश जाने गरेको भण्डारीले जानकारी दिए ।
Discussion about this post