विद्यालयको भवनमा टिन ट्रस लगाउने क्रममा लडेर एक जनाको मृत्यु

ईलाम : ईलामको सूर्योदय नगरपालिका १२ मा करफोक माध्यमिक विद्यालयको निर्माणाधिन भवनबाट लडेर एक जनाको मृत्यु भएको छ ।

हिजो बेलुका विद्यालयको ४ तले निर्माणाधिन भवनको माथि टिन ट्रस लगाउने क्रममा भुईमा झरी घाईते भएका बारा जितपुर नगरपालिका ५ गकुलियाका २५ वर्षीय पुकार चौधरीलाई उपचारको लागि झापा वुधवारे स्थित सिटि हस्पिटल लगिएकोमा उनको उपचारको क्रममा मृत्यु भएको हो ।

घटना सम्बन्धमा इलाका प्रहरी कार्यालय पशुपतिनगरबाट थप अनुसन्धान भईरहेको प्रहरीले जनाएको छ ।