इटहरी : इटहरीमा एक युवकले आत्महत्या गरेका छन् ।
इलाका प्रहरी कार्यालय इटहरीका सूचना अधिकृत, प्रहरी निरीक्षक भीमबहादुर खड्काका अनुसार इटहरी १९ ब्रह्मपुर (पृथ्वी चौक) का रबिन श्रेष्ठले आत्महत्या गरेका हुन् ।
अन्दाजी २९ वर्षीय श्रेष्ठले गएराति साढे १ बजेतिर आत्महत्या गरेको प्रहरीको प्रारम्भिक अनुसन्धानबाट खुलेको छ । उनको आत्महत्याको कारण भने खुलेको छैन । यद्यपि, उनी केहीदिनयता मानसिक रूपमा तनावमा रहेको प्रहरीले जनाएको छ ।
‘प्रहरीलाई राति साढे १ बजे खबर भएको थियो, घरकै कोठामा झुण्डिएको अवस्थामा शव फेला परेको हो,’ प्रहरी निरीक्षक खड्काले भने, ‘घटनाको सबै कारण खुलेको छैन, हामीले घटनास्थलबाट मुचुल्का उठाएर शव पोस्टमार्टमका लागि पठाएका छौँ, थप अनुसन्धान भइरहेको छ ।’
मृतकको शव पोस्टमार्टमका लागि धरानस्थित वीपी कोइराला स्वास्थ्य विज्ञान प्रतिष्ठान पठाइएको उनले बताए ।
घटनाबारे थप अनुसन्धान भइरहेको इटहरी प्रहरीले जनाएको छ ।
Discussion about this post