मोरङ : दोहोरो नागरिकता लिएर नेपाल तथा भारतमा कारोबार गर्दै आएका तीन भारतीयविरुद्ध जिल्ला प्रशासन कार्यालय मोरङमा उजुरी परेको छ ।
स्थानीय एक नेपालीले दोहोरो नागरिकता लिएर नेपाल तथा भारतमा कारोबार गर्दै आएका तीन भारतीयविरुद्ध उजुरी दिएका हुन् ।
उजुरीअनुसार भारतको दरभंगा घर भई विराटनगर ६ सरौचिया बस्दै आएका मोहमद नौसाद खान, नासिर खान र फैयाद खानले जन्मसिद्धको नेपाली नागरिकता लिएका हुन् ।
स्थानीय अख्तरी बेगमले दर्ता गरेको उजुरीमा एम ९७४०४१८ नम्बरको राहदानी वाहक नौसादले २०६४ जेठ १० मा ५०७ नम्बरको र एफ २२५१२२२ नम्बरको भारतीय पासपोर्ट भएका नासिरले ६९ नम्बरको नेपाली नागरिकता लिएको उजुरीमा उल्लेख छ ।
भारत दरभंगामा आईएजी ०२११०१९ नम्बरको भोटर आईडी भएका फैयादले २०६४ चैत ३० मा जन्मसिद्धका आधारमा ४९७ नम्बरको नेपाली नागरिकता लिएको पनि उजुरीमा दाबी गरिएको छ ।
यता, मोरङ प्रशासनले तीनै जनालाई पक्राउ गर्न प्रहरीलाई निर्देशन दिएको छ ।
Discussion about this post