इटहरी : इटहरीमा मुसहर बस्तीका एक सय ५७ घरपरिवारलाई लायन्स क्लबले फाइबर सिरक वितरण गरेको छ ।
इटहरी १ र १७ नम्बर वडाका मुसहर समुदायलाई लायन्सले बुधबार एक कार्यक्रमबीच सिरक वितरण गरेको हो । लायन्स क्लब अफ तरहराको संयोजनमा अरु ६ वटा लायन्सले सहकार्य गरी बस्तीमा सिरक वितरण गरिएको हो ।
लायन्स क्लब अफ तरहराका अध्यक्ष मुक्तिनाथ घिमिरेका अनुसार जाडो समयलाई लक्षित गरी एक सय ५७ घरपरिवारलाई फाइबर सिरक वितरण गरिएको हो ।
घिमिरेले भने, ‘जाडोको समयलाई लक्षित गरी विपन्न, गरीब समुदायका मुसहर बस्तीमा सिरक वितरण गरिएको हो ।’
उनका अनुसार लायन्स क्लब तरहराको संयोजनमा लायन्स क्लब अफ मनकामना, लायन्स क्लब अफ शान्तिनगर, लायन्स क्लब अफ तालतलैया, लायन्स क्लब अफ हेल्थ प्रोफेसनल, लायन्स क्लब अफ कर्पोरेट र लायन्स क्लब अफ सुपरसिटीको सहकार्यमा सिरक वितरण गरिएको हो ।
कूल एक लाख ३४ हजार ६४४ रुपैयाँ लागतमा सिरक वितरण गरिएको घिमिरेले बताए ।
कार्यक्रममा लायन्सका डिस्ट्रिक गर्भनर धीरज गुरुङ लगायतका लायन्स सदस्यहरूको उल्लेख्य उपस्थिति रहेको थियो ।
खासगरी उक्त कार्यक्रम आयोजना गर्नका निमित्त लायन्स क्लब अफ तरहराका चार्टड प्रेसिडेन्ड तथा इटहरी २० का वडाध्यक्ष मणिराम श्रेष्ठको अतुलनीय योगदान रहेको घिमिरेले बताए । श्रेष्ठको विशेष सहयोगमा उक्त बस्तीमा सिरक वितरण गरिएको उनले बताए ।
उनका अनुसार लायन्स क्लब अफ तरहराले यसअघि विभिन्न सामाजिक हितका निम्ति कार्यक्रमको आयोजना गर्दै आएको छ ।
Discussion about this post