झापा : झापाको बिर्तामोड नगरपालिका ७ स्थितमा करेन्ट लागेर एकजनाको मृत्यु भएको छ ।
मृत्यु हुनेमा बिर्तामोड ७ बाह्रघरेका ४९ वर्षीय खेम श्रेष्ठ रहेका छन् ।
पिसाव फेर्नको लागि खाली खुट्टा घरबाहिर निस्केका श्रेष्ठलाई आफैँले जंगली हात्तीको आक्रमणबाट जोगिनको लागि घर वरिपरी विद्युतीय करेन्ट प्रवाह गरेको तारमा अचानक छुन पुग्दा करेन्ट लागेको थियो ।
करेन्ट लागेर गम्भीर घाइते भएका श्रेष्ठको बर्तासिटी अस्पताल बिर्तामोडमा उपचारको क्रममा मृत्यु भएको प्रहरीले जनाएको छ ।
घटना सम्बन्धमा इलाका प्रहरी कार्याल अनारमनीबाट थप अनुसन्धान भइरहेको छ ।
Discussion about this post