झापा : झापाको बिर्तामोडमा कारको ठक्करबाट एक बालकको मृत्यु भएको छ ।
बिर्तामोडको मुक्तिचोकमा चारपानेबाट काँकडभिट्टातर्फ जाँदै गरेको प्र–१–००१–००२ च १९० नम्बरको कारले पैदलयात्री मेचीनगर नगरपालिका वडा नं. १२ बस्ने गोपाल रोकाका ११ वर्षीय छोरा सन्तोष रोकालाई ठक्कर दिएको थियो ।
ठक्करबाट गम्भीर घाइते भएका बालकलाई उपचारका लागि बीएण्डसी हस्पिटल लगिएकोमा उपचारको क्रममा आइतबार बिहान मृत्यु भएको जिल्ला ट्राफिक प्रहरी कार्यालय झापाले जनाएको छ ।
दुर्घटनापछि कार चालक मेचीनगर नगरपालिका वडा नं. १ बस्ने २६ वर्षीय रोसन परियारलाई इलाका प्रहरी कार्यालय बिर्तामोडले नियन्त्रणमा लिएर घटनाबारे थप अनुसन्धान गरिरहेको छ ।
Discussion about this post