इटहरी : लागूऔषध सेवन गरी गाडी चलाउने १४ जना चालकलाई सुनसरी प्रहरीले कारबाही गरेको छ ।
प्रहरीले लागूऔषध सेवन गरी गाडी चलाउने १४ जना चालक र सहचालकलाई नियन्त्रणमा लिएको हो ।
कोशी राजमार्गमा आवतजावत गर्ने यात्रुबाहक बस तथा मालबाहक सवारी साधनका चालकहरू लागूऔषध सेवन गरी सवारी साधन चलाउने गरेको सूचनाका आधारमा चेकजाँच गरेको थियो ।
कोशी प्रदेश प्रहरी अस्पतालबाट खटिएका चिकित्सकले स्वास्थ्य परीक्षण गर्दा उनीहरूले लागूऔषध मर्फिन र मारिजुएना सेवन गरेको पाइएको सुनसरी प्रहरीले जनाएको छ।
नियन्त्रणमा लिएकाहरूमाथि आवश्यक अनुसन्धान भइरहेको प्रहरीले जनाएको छ ।
Discussion about this post