इटहरी (डेस्क) : शुक्रबार दिउँसो मोरङको बेलबारी–५ कसेनी स्थित लोहन्द्र पुल नजिकै ग्याङफाईट भयो ।
निर्माणाधिन रहेको पुलमा सेक्युरिटी गार्डको रुपमा कार्यरत रहेका ४० वर्षीय चन्द्रबहादुर राई दुई पक्षबीचको झगडा छुट्याउन गए ।
तर, झगडा छुट्याउने क्रममा उनको ज्यान गएको प्रहरीले जनाएको छ ।
झगडा गर्नेहरुले उनीमाथि नै धारिलो हतियार प्रहार गरेको मोरङ प्रहरीका प्रवक्ता डीएसपी मान बहादुर राईले बताए । बिहीबार साँझदेखि नै छिमेकीबीच मापसे सेवन गरेर विवाद सुरु भएको थियो ।
शुक्रबार स्थानीय ३२ वर्षीय जितेन चौधरी, २५ वर्षीय दिनेश श्रेष्ठ, ३२ वर्षीय सन्तोष मगर र विक्रम राईको समूह र ४२ वर्षीय सईकुमार राई, ३२ वर्षीय समुन्द्र राई र १६ वर्षीय गौरव राईको समूहबीच झडप भएको प्रहरीले जनाएको छ ।
जितेन चौधरी सहितको समूहले खुकुरी र बन्चरो लगायतका हतियारले प्रहार गरेपछि दोहोरो झडप भएको प्रहरीले जनाएको छ ।
घटनामा संलग्नहरु बेलबारी नगरपालिका ६ बस्ने बर्ष–३८ को बिशाल कुमार खवास गच्छदार, बेलबारी–५ बस्ने बर्ष–३१ को राजेन भन्ने राजिन्द्र राई, ग्रामथान–६ बस्ने ३४ को जितेन्द्र चौधरी, बर्ष ३१ को दीपेन्द्र चौधरी, बर्ष ३२ को बिरेन्द्र कुमार खाँ रहेको प्रहरीले जनाएको छ ।
घटनाबारे थप अनुसन्धान भईरहेको प्रहरीको भनाई रहेको छ ।
Discussion about this post