इटहरी : प्रेस युनियन सुनसरीको नयाँ कार्यकालको अध्यक्षमा पवन अधिकारीले कार्यभार सम्हालेका छन् । २०७५ कात्तिकमा इटहरीमा भएको प्रेस युनियन सुनसरीको आठौँ अधिबेशनले दुई जनालाई नेतृत्व बाँडफाड गर्ने सहमति भएको थियो । अघिल्लो कार्यकालमा धनबहादुर पुरीले कार्यभार सफलतापूर्वक सम्पन्न गरिसकेका छन् । आज शनिबार वैशाख ६ गतेबाट पुरीको कार्यकाल सकिएसँगै अधिकारीले कार्यभार सम्हालेका हुन् । कार्यभार सम्हालेपछि अधिकारीले आँफूले बिषम् परिस्थितिमा नेतृत्व लिएको भएपनि सधैँ पत्रकारको हकहितकै लागि काम गर्ने बताए । उनले भने, मेरो कार्यकालमा कोही पनि पत्रकारलाई साह्रो गाह्रो पर्दा साथ दिनेछु, सधैँ प्रेस स्वतन्त्रताका निम्ति काम गर्नेछु । उनले आँफूले पत्रकारको हकहितका लागि जुनसुकै काम गर्ने प्रतिबद्धता जनाए ।
पुरीको कार्यकालमा भएको थियो यस्ता महत्वपूर्ण काम
धनबहादुर पुरी अध्यक्ष भएपनि गत वर्ष प्रेस युनियन सुनसरीको इतिहाँसमा पहिलोपटक भित्ते पात्रो प्रकाशन गरिएको थियो । त्यस्तै, मासिक रुपमा कार्यसमितिको वैठक बसी नियमित रुपमा युनियनसँग आबद्ध पत्रकारहरुसँग नजिक भई काम गर्ने र संवादका कार्यक्रम भइरहेका थिए । त्यस्तै, उनको कार्यकालमा प्रेस युनियनको इटहरीमा कार्यालय स्थापना गरियो । विभिन्न चरणमा केन्द्रीय स्तरका नेताहरुसँगको उपस्थितिमा विभिन्न संवादका कार्यक्रम गरियो । प्रेस युनियनमा आवद्द पत्रकारहरुलाई क्षमता अभिवृद्धि एवंम् प्रशिक्षण कार्यक्रम आयोजना गर्नेदेखि पुरीको कार्यकालमा प्रेस युनियन सुनसरी गतिविधिका कारण चलायमान भएको थियो।
पुरीले आँफू संस्थाको निवर्तमान अध्यक्ष भएपनि सधैँ संस्थागत हक हितका लागि काम गर्ने बताए ।
Discussion about this post