धरान : धरानस्थित महेन्द्र बहुमुखी क्याम्पसमा व्यापार प्रदर्शनी मेला आयोजनाको तयारी गरिएको छ ।
आगामी जेठ १८ गते बुधबार व्यापार प्रदर्शनी मेला आयोजना गर्न लागिएको हो ।
नेपाल बैंक लिमिटेडद्वारा प्रायोजित कार्यक्रममा साना तथा मझौला व्यवसायको उत्पादन प्रदर्शन तथा प्रचार गर्ने उद्देश्य रहेको आयोजकले जनाएको छ । मेलामा ५० वटा स्टल रहनेछ ।
प्राविधिक क्षेत्रका विभिन्न सुरुवाती व्यापारहरू समेत प्रदर्शन तथा प्रवद्र्वन गर्ने लक्ष्यसाथ मेला आयोजना गर्न लागिएको क्याम्पस प्रमुख दामोदर भण्डारीले जानकारी दिए ।
व्यापार मेलामा विभिन्न कलेजका विद्यार्थी, विभिन्न बैंक तथा वित्तीय संस्था, साना तथा मझौला ब्यापार, स्थानीय व्यापारी लगायतका ५ हजार जनाको सहभागिता रहने विद्यार्थी युनेश भण्डारीले बताए ।
Discussion about this post