इटहरी : गर्भपतन गराएको तीन दिनमा महिलाको मृत्यु भएपछि माइती पक्षले छानविनको माग गरेको छ ।
इटहरी उपमहानगरपालिका ५ की मनिला बुढाथोकीको गर्भपतन गराएको ३ दिनमै असामान्य मृत्यु भएपछि माइती पक्षलले छानबिनका लागि इलाका प्रहरी कार्यालय इटहरीमा उजुरी दिएका छन् ।
गत साउन २३ गते इटहरीको परिवार नियोजनमा गर्भपतन गराएकी मनिलाको अत्यधिक पेट दुखेर रक्तश्राव भएपछि उपचारका लागि मोरङको विराट मेडिकल कलेजमा उपचारका लागि लगिएको थियो । उपचारका क्रममा सोही राति मृत्यु भएको परिवार पक्षले बताएका छन् ।
तर मृतकका दाजु नवराज थापाले माइती पक्षलाई बिरामी भएको समयमै जनकारी नगराएको र जानकारी पाउदा मृत्यु भइुकेको बताए । उनले शवको प्रकृति हेर्दा मृत्यु नभई हत्याजस्तो देखिएकोले निष्पक्ष छानविनको माग गरे ।
धनकुटा जिल्लाको पाख्रीबास नगरपालिकाबाट विवाह गरी इटहरी आएकी मनिला एक छोरीका आमा रहेको बताइएको छ । घटनाबारे थप अनुसन्धान भइरहेको इटहरी प्रहरीले जनाएको छ ।
Discussion about this post