इटहरी: इटहरीबाट पार्किङ्ग गरेर राखेको मोटरसाईकल चोरी भएको छ । गत बिहिवार इटहरी ४ मिलिजुली मार्गबाट मोटरसाईकल चोरी भएको हो ।
कम्पाउन्ड भित्र ४ वटा मोटरसाईकल पार्किङ्गमा राखीएको र त्यसमध्ये पल्सर टु ट्वान्टी हराएको मोटरसाईकल धनी नारायण बुढाथोकीले जानकारी दिएका थिए । राती १२–१ बजेको समयमा मोटरसाईकल चोरी भएको हुन सक्ने बुढाथोकीले जानकारी दिएका छन् ।
प्रदेश १– ०२–०४८ प ७४२९ नम्बरको मोटरसाईकल हराए पछी आफुले इलाका प्रहरी कार्यालय इटहरीमा जाहेरी दिएको समेत बुढाथोकिले जानकारी दिएका छन् ।
हराएको मोटरसाईकल खोजी जारी रहेको र अहिले धेरै मोटरसाईकलहरु हराएको जाहेरी आफुहरु कहाँ आउने गरेकाले सचेत रहन इटहरी प्रहरीले अनुरोध गरेको छ ।
Discussion about this post