संक्रमितको संख्या दुई हजार नाघ्यो, आजै थपिए २८८ नयाँ संक्रमित

स्वास्थ्य तथा जनसंख्या मन्त्रालयका अनुसार मंगलबार देशभर २८८ जनामा कोरोना संक्रमण पुष्टि भएको छ। यो सँगै संक्रमितको संख्या २ हजार ९९ पुगेको स्वास्थ्य तथा जनसंख्या मन्त्रालयका प्रवक्ता डा. विकास देवकोटाले जानकारी दिए।

मंगलबार संक्रमण पुष्टि भएकामध्ये २७० पुरुष र १८ जना महिला छन्।
यसैबीच मंगलबारसम्म नेपालका कोरोना जित्नेको संख्या २६६ पुगेको छ। मंगलबार ४५ जना डिस्चार्ज भएसँगै कोरोना जित्नेको संख्या २६६ पुगेको मन्त्रालयका प्रवक्ता देवकोटाले जानकारी दिए।