विराटनगर : कोसी प्रदेशमा मुख्यमन्त्री हिक्मतकुमार कार्कीले विश्वासको मत नपाएपछि सरकार ढलेको छ।
प्रदेशसभामा आज (शुक्रबार) भएको मतदानमा कार्कीका पक्षमा ४६मत पर्यो भने विपक्षमा ४३ मत पर्यो । कूल ९३ सांसदमध्ये ८९ सांसद प्रदेशसभामा उपस्थित थिए । बहुमतका लागि ४७ मत आवश्यक पर्छ ।
मुख्यमन्त्री कार्कीले बिहीबारको बैठकमा विश्वासको मत प्राप्तिका लागि प्रस्ताव पेस गरेका थिए। कार्की पुस २४ गते मुख्यमन्त्रीमा नियुक्त भएका थिए।
कोशीमा एमालेका ४०, कांग्रेसका २९, माओवादीका १३, राप्रपाका ६, नेकपा एकीकृत समाजवादीका ४ र जसपाका एक सांसद छन्। मुख्यमन्त्री कार्कीले विश्वासको मत नपाएसँगै अब कोसीमा नयाँ सरकार गठनको प्रक्रिया अगाडि बढ्नेछ ।
Discussion about this post