विराटनगर : गाँजा बोकेको एम्बुलेन्ससहित चालकलाई प्रहरीले पक्राउ गरेको छ । विराटनगर महानगरपालिका १८ लाभ घाटबाट गाँजा बोकेको एम्बुलेन्ससहित चालकलाई प्रहरीले पक्राउ गरेको हो ।
इलाका प्रहरी कार्यालय बुध नगरबाट खटिएको प्रहरी टोलीले चेकजाँचको क्रममा को १ च ४६१९ को एम्बुलेन्सबाट साढे २१ किलो गाँजा नियन्त्रणमा लिएको हो ।
एम्बुलेन्सको डिकीमा लुकाई भारततर्फ लग्दै गरेको २१.५ किलोग्राम लागूऔषध गाँजासहित नेपाली रुपैयाँ ४० हजार बरामद गरेको प्रहरीले जनाएको छ ।
राजन अधिकारी फाउन्डेसन धरानद्वारा सञ्चालित उक्त नम्बरको एम्बुलेन्स र चालक धरान ११ का ३८ वर्षीय गङ्गा सरकार र सोही स्थानमा रहेको भारतीय नम्बरको मोटरसाइकलसहित प्रहरीले नियन्त्रणमा लिएको हो ।
पक्राउ परेका उनीबारे थप अनुसन्धान भइरहेको प्रहरीले जनाएको छ ।
Discussion about this post